Mit recht geklunder

Terug naar Artikelen
Wêrom nei Artikels
Weeromme naor Artikelen
Home


Mit recht geklunder

Klunderen.

Zoas de Friezen groots bin op heur Fries, zo bin ik groots op 'mien' Stellingwarfs. Dat et Stellingwarfs een hiel aorige en vrundelike tael is dat hoeft hier veerder gien betoog. Aj' dan ien keer van zoe'n tael - de tael van je moeke - holen dan wi'j' ok graeg dat die zo geef meugelik bruukt wodt. Et vaalt mi'j op dat dat de laeste tied nog al es mis gaot in et Klunderen van Karst. De meerste keren vien ik d'r wel een stok of tien fouten in of dingen die neffens mi'j aorig beter kunnen. Nao da'k Karst al een peer keer een gele kaorte zien laoten hebbe, vient disse beste man et bliekber niet neudig om d'r al te vule an te beteren. As ien of aandere blispoter van de Schrieversronte Karst dan ok niet even op et rechte spoor helpt, dan blift d'r vanzels niks aanders over as een inzunnen stokkien mit de vrundelike vraoge: Zol Karst et Stellingwarfs asjeblief wat gever uutdregen willen?

Ni'jberkoop
Piet Bult
09-10-2004