Waeterschop
Terug naar Artikelen
Wêrom nei Artikels
Weeromme naor Artikelen
Home
Waeterschop
Waeterschoppen heuren (al sund 1863) tot iene van de ooldste
instituties van et Nederlaanse staotsbestel en d'r bin al meer as
honderd jaor perblemen mit de zonuumde 'ontvangplicht'. In de eerste
jaoren van et bestaon van et jonge waeterschop frosselde men mit de
perciese regelgeving om 'de gewone jaorlikse zuvering van de
riviertties of te dwingen, die de 'aangelanden' uutvoeren mossen. Al in
1870 hadden Perveensiaole Staoten et waeterschop de meugelikhied geven
om een pelisieverordening in de vorm van een schouwvoering in te
voeren. In 1871 wodde de 'eerste Keur' vaastesteld, waordeur et
wettelik verplicht wodde veur oevereigeners en gebrukers van gronden
langs de beken en rivierties om eerde, roegte, biezen en wat d'r
veerder uut et waeter haeld wodde op heur gronden te ontvangen en of te
voeren. Mar, wat jammer now veur et waeterschop bleek al nao een peer
jaor dat disse Keur gien rechtskracht hadde. Tot an 1906 kon et
waeterschop nog veuruut mit een deur de Staoten vaastesteld
waeterschopsreglement. Hoewel et onderhoold vanof die daotum deur et
waeterschop overneumen wodde, is de ontvangstplicht van bagger deur de
'aangelanden' tot op de dag van vandaege nog van kracht. En ondanks een
goeie wetgeving blift et al die jaoren een iedere keer terugkerende
discussie.
© Piet Bult, 08-11-2005