Redaktie van ‘De Ovend’
Berkoop

Ni’jberkoop, 14 oktober 2003.

Achte redaktie,
Een schoffien leden (augustus) he’k jim wat schrieveri’jgies toeschikt. Ik vreug jim doe of jim daor (in De Ovend) wat mit konnen. Jim stuurden mi’j laeter een berichien dat et wark niet meer in jim vergeerdering van september beoordield wodden kon mar dat et now in november wezen zol.

De bedoelde schrieveri’jgies:

- een gedichien: Van Genesis tot an vandaege,
- een kot verhael: De dood van een hippie,
- een wat langer verhael: Touwslaon.

Deur een - veur mi’j onangenaeme - omstanighied moet ik op mien anböd weeromme kommen. ‘k Zol graeg zien daj’m mien inzunnen wark inclusief de diskette vernietigen, nog veurdaj’m tot een beoordieling (en dus meugelike plaetsing) kommen van dat wark. Vergeet dus mar da’k wat instuurd hadde. Om dit soorte van ongemak in de toekomst veur te wezen za‘k jim ok niet weer lastigvalen mit instuurd wark van mien haand.

In alle vertrouwen daj’m an mien verzuuk voldoen zullen groete ik jim,
Piet Bult, 14-10-2003