Bericht an Jan

Weeromme naor Correspondentie
Weeromme naor Stellingwarfs
Home


Bericht an Jan

Beste Jan,
Dit zol een hiele lange beschouwing wodden kunnen van doelen, alle veurs en tegens van een dagboek en van de (on)meugelikheden van internet mar ik zal et kot perberen te holen.

Alienig mar roepen "Johan moet deur gaon... " is mi'j eins wat te kot deur de bocht. Bepaolde 'vak-idioten' (vergeef mi'j dat woord) bin vaeke in ien ding - of in een peer dingen - slim goed. Vaeks (veer) boven gemiddeld goed. Bi'j Johan bestiet daor geleuf ik gien diskussie over. Vaeke bin die zelde lu op een aander vlak tetaol onbruukber. Zo is 't van schrievers bekend dat die vaeke nog gien spieker recht in een plaankien houwen kunnen (uutzocht deur psygo's). Ik vien daj' ze daor dan ok niet mit lastig valen moeten. Laot een goeie schriever zien tied benutten mit schrieven. Et komt mi'j vanzels wel (een betien) vremd veur dat een schriever niet even vlot een dagboekien (vol) schrieven kan! Mi'j donkt dat dat gien wark is.

Now he'k van aand'ren wel es heurd dat Johan niet al te vule mit kompjoeters het. Daor kan'k mi'j vanzels ok niks bi'j veurstellen, mar 't kan wezen. Hi'j geft zels dudelik an dat de oorzaeke ligt in zien tiedindieling. Hi'j het d'r bliekber tevule tied veur neudig. Is dat in et bedaenken van wat hi'j schrieven zal of ligt dat mischien an de technische kaante? Et eerste geval kan'k mi'j opni'j weer niet veurstellen. Et twiede geval eventueel wel. Bovendat vien ik daj' et altied an de man zels overlaoten moeten waor as hi'j zien prioriteiten leggen wil. (Waorom is hi'j d'r eins an begonnen?)

Conclusie: As Johan zien prioriteiten argens aanders liggen en hiermit stoppen wil moet hi'j dat gewoon doen. As hi'j toch deurgaon wil, zol dat (ok) mi'j vule liever wezen.

In meer algemien verbaand vien ik trouwes dat dit soorte van dingen deur et heufdkantoor (SSR) oppakt wodden moet. Daor zol ruumte en tied beschikber wezen moeten veur algemien gebruuk van disse uterende zaeken. Dit he'k (van't veurjaor) al es angeven aan Pieter J. Binnenkot hoolt hi'j daor trouwes een lezing over (anslutend an de jaorvergeerdering) ston in de uutneudeging. 'k Bin slim beni'jd!

mvg
Piet Bult, 04-05-2004