Brief over samenwerking of ...
Weeromme naor Correspondentie
Weeromme naor Stellingwarfs
Home
Bestuur van de Stichting
Stellingwarver Schrieversronte
Willinge Prinsstraote 10
8421 PE Berkoop
Ni’jberkoop, 10 oktober 2005.
Onderwarp: Saemenwarking of liever niet?
Acht bestuur,
Op 27/9 ston d’r van de haand van Pieter de Groot, een stokkien in de
Liwwadder kraante mit o.e. disse alinea: “De stichting heeft haar
bestaan te danken aan de onwilligheid van de Schrieversronte en moet nu
zelf op zoek naar fondsen om haar ambitieuze projest te financieren.
Welke duistere krachten doen in dit mini-taalgebied de handen in plaats
van ineenslaan, uiteendrijven?” In et i-dagboek van Johan Veenstra ston
op 5/10 dit stokkien: “De schrik slat me om et hatte. Stel je now toch
es veur dat ze laeter mienen dat mien poerbeste romans schreven binnen
deur Peggy Klinkhaemer of de, neffens de Liwwadder Kraante dissidente,
Stellingwarver biebelvertaeler Piet Bult… Gruwelik!”
Bi’j et lezen van disse beide stokkies -mar eins ok al naor anleiding
van eerdere stokkies- komt bi’j oons de hieltied de vraoge weer
boevendrieven: wat staandpunt het de Schrieversronte hierin en wat
staot de Schrieversronte now eins veur ogen? Wiwwe -waor neudig en waor
meugelik- saemenwarken of liever een konfrontaosie?
Wi’j gaon d’r vanuut dawwe onderhaand al aorig bewezen hebben dawwe mit
hiele serieuze dingen doende binnen. Ankem jaor staon d’r veur oons
doen ‘grote dingen’ te gebeuren, zo is ‘t plan. In die ‘grote dingen’
is ’t veur oons -mar wellicht ok veur jim- van belang dawwe van mekeer
weten wao’we staon en dat veural ok naor buten toe dudelik kommuniseren
kunnen.
Wi’j willen dan ok graeg van jim as bestuur van de Stichting
Stellingwarver Schrieversronte weten aj’m oons -now, of op kotte
termien- van doel binnen te steunen en waor meugelik om oons te helpen,
of daj’m -zoas an now toe et meerste bleken is- eins liever niks mit
oons van doen hebben willen. Wi’j vraogen jim om hier een dudelik
bescheid op te geven en dat zo vlogge meugelik, mar lao’we zeggen op
zien uterst, veur 1 jannewaori 2005 an oons kenber te maeken.
Mit een vrundelike groet,
Stichting Stellingwerfs Eigen
Piet Bult (siktaoris)