Bericht aan Raadsfracties Oost

Weeromme naor Correspondentie
Weeromme naor Stellingwarfs
Home

Bericht aan Raadsfracties Ooststellingwerf

Meneer / Mevrouw de fraktieveurzitter/leden van de raod,
Et zal je niet ontgaon wezen dat al sund jaor en dag et ienigste Stellingwarfse e-blad 'An de liende', van de stichting Stellingwerfs Eigen maondeliks an meer as 1.000 abennees toestuurd wodt.

Et zal je ok niet ontgaon wezen dat op 't heden de laeste punties op de 'i' zet wodden, veurwat de Biebel in et Stellingwarfs angaot.

We hebben dommiet dan ok een zee van vri'je tied en die wiwwe graeg besteden an een tal ni'je grote projekten om et Stellingwarfs an te vieteren. We daenken dan bi'jglieks an et opzetten van een e-kursus EduStellingwarfs, naor veurbeeld van et Friese EduFrysk. Ok daenken we an et opzetten van een Taelbaank, een databaank om via internet inzichtelik te maeken mit alles wat d'r an now toe over de Stellingwarfse tael en kultuur bestaot, mar now vaeks op onbekende plakkies in archieven en kluzen ligt omme te kommen.

Zo'k anvieteren van oonze streektael kan vandaege-de-dag niet zonder de steun van de poletiek, en dan mit naeme de lekaole poletiek, jim dus.

In et locht van de kommende raodsverkiezings wiwwe in oons e-blad 'An de liende' van 1 meert a.s. de lezers angaonde et streektaelbeleid graeg een stemadvies geven, weten laoten wat perti'j een protte, wel wat of niks veur oonze streektael overhet en hoe ze daor veur de kommende vier jaor over daenken.

We willen je dan ok vraogen om op onderstaonde vuuf vraogen bescheid te geven.

Vint jow perti'j

1) et behoolt van de streektael (et Stellingwarfs) van belang?
2) dat d'r genoeg an daon wodt en de an now toe bestede middels goed besteded binnen?
3) dat d'r meer an daon wodden moet, en in wat domein/en dan bi'jglieks?
4) et belangriek om mit uutsluting van aanderen, mit iene orgenisaosie (Schrieversronte) vandoen te hebben?
5) et belangriek dat de beschikbere middels beter verdield wodden kunnen naor projekten van eventueel verschillende orgenisaosies?

x) Het de perti'j aanders nog opmarkings, anvullings of suggesties, dit angaonde?

Wi'j daanken je in 't veurend en de volledige uutslag mit oons stemadvies kuj' dommiet naolezen in 'An de liende', in et nommer van 1 meert.
Nog gien vaaste abennee? Aj' je aemeladres even deurgeven kriej' et e-blad iedere maond ommenocht in je aemelbusse.

Mit een vrundelike groet,
Stichting Stellingwerfs Eigen
Frank de Vries (vz.)
Piet Bult (sikt.)
12-01-2010