Ingezonden

Weeromme naor Correspondentie
Weeromme naor Stellingwarfs
Home


Ingezonden

Stellingwarfs taelbeleid

Oflopen zaoterdag wees Johan Veenstra in ‘Klunderen’, de beide Stellingwarfse gemienten nog es hiel fienegies op heur verantwoordelikheden vanwege et (niet) deur heur voerde taelbeleid. ‘k Har jow toch wiezer hebben wild Veenstra. Hoe kuj’ now van disse gemiente(n) verwaachten om taelbeleid te ontwikkelen. ’t Riool hebben ze in oonze gemiente nog niet iens hielendal op odder. En kotleden he’k nog op een heurzitting west vanwegens et definitief maeken van et ni’je bestemmingsplan van ‘t Oostaende. ’t Oolde bestemmingsplan was al een dattig jaor oold. Now vraog ik jow! ’t Definitief maeken van een plan! Zo zal et mit heur taelbeleid ok wel altied bi’j plannegies blieven. In ’t beste geval wodt zoe’n plan dan ok nog es een keer definitief maekt. Dan hi’j dus een definitief plan. Mar dat is ’t dan ok wel. En dan in de volgende fase ok nog plannegies ommezetten in beleid? Ik geleuve niet dat et d’r de eerstkommende dattig jaor van komt. Ik stel veur dat ze et opstellen van et taelbeleidsplan mar (betaeld) uutbesteden an de Stellingwarver Schrieversronte. Dan hoeven de heren borgemeisters allienig mar even te tekenen.

Ni’jberkoop, Piet Bult, 02-09-2003