Sutelen

Weeromme naor Correspondentie
Weeromme naor Stellingwarfs
Home



Bericht van pb an de sSr (20-07-2004)

Stellingwarver Schrieversronte
Tav. Dhr. Klaas van Weperen
Willinge Prinsstraote 10
8421 PE  Berkoop


Daotum: 30 juli 2004.
Betreft  : Sutelen.


Beste Klaas,
Gister kreeg ik je bericht in de busse mit de vraoge om in september weer mit te helpen mit et sutelen. Mit opzet he’k d’r even een naacht over slaopen om je bescheid te doen.

Nao een peer jaor van entousiast mitdoen, moej’ van ‘t jaor - en ok de kommende jaoren - mar niet op mi’j rekenen. Ik gao je niet precies uutstokken hoe et krek zit mar direkteur Pieter zien doen en veural zien laoten (en daordeur ok et verantwoordelik bestuur trouwes), het mi’j tot dit besluut brocht. Moch ik nog es tot een aander inzicht kommen dan meld ik mi’j wel weer.

In oons radiopergramme veur RWC zuwwe d’r wel even wat extra ommedaenken an geven op 2 en 16 september.

De inzet van alle sutelders en bovenal jow persoonlike inzet, kan ‘k trouwes slim warderen en ik weenske jim dan ok goed weer, een protte wille en een hoge omzet toe.

Mit vrundelike groet,
Piet Bult


P.S.
Die ni’je regeling mit een tegoedbon en zo is mi’j best vanzels mar ik hool d’r niet zo van. Dit soorte van aktiviteiten komt je gewoon spontaon en recht uut et hatte of ie doen d’r niet an mit, liekt mi’j. En dan vien ik et annemen van een boekien uut een grote deuze toch ok nog weer krek wat aanders as et uutmeten van euro’s per aovend.