Bundeltien over zintugen

Weeromme naor Gedichten
Weeromme naor Stellingwarfs
Home


Bundeltien over zintugen en liefde

1. Rooie oorties (laeste museumexpesisie)

The red light district
da's Stellingwarfs veur

Hoerekezen

krek zestien was ze
verkeerde kammeraoden
veural die iene
mit goold behongen
dure glimmerties
en aander onnut
ze kwam terechte

al zesentwintig en
altied nog etzelde wark
ze wol wel aanders
ze kon niet aanders
verslaafd gebruuk
in een hoeke drokt
niet te plak

zesendattig onbewust
gaot alliend op chique
mannen in bonus
vrouw alliend en
altied op 'e flutter
et duurste te goedkoop

zesenveertig zesenvuuftig
zesenzestig het ze redded
waor aanderen van Drees trekken
trekt zij an en van aanderen
ze wol wel eerder stoppen
mar mos nog twie jaor deur
mit wark in heur veuronder



2. Over de greens (thema van disse gedichtedag 2010)

Over greenzen

van hier naor daor
de greenzen over
et grös an ginne kaante
mar ik blief liever thuus

van nul naor vierentwintig
de greenzen over
ieder ure van de dag
een betien doen en ok wat niksen

van jannewaori naor december
de greenzen over
de vuuftiende et loon naor warken
mar nee ik hoef niet riek te woddem

van jong naor oold
de greenzen over
eerst dom mar laeter wiezer
et dient warkelik nargens toe

van niks naor krek wat meer
de greenzen over
et stelt niet al te vule veur
laot mi'j mar blieven die ik bin

van et leven naor de dood
de greenzen over
een protte heurd en zien en daon
nog iene greens te gaon



3. Duodicht over de liefde (vri'j wark)

Zintugen over Liefde, Liefde over zintugen
Neffens (klassiek) Aristoteles:

Heuren
Zien
Vulen
Roeken
Pruven
en et Zesde zintuug

Zintugen over de liefde

(wat dot et zintuug aktief)
(kenmark van dat aktief wezen)
(gevolg van dat aktief wezen)
(uutdrokking, raos, kreet, yell)


Heuren
heur ik et broezen van de liefde                    alleman zal van mi'j heuren
de lichte tred verrat heur naoderen                ik loop niet naoderan mar bin
heur komst lat mien hatte boonzen                ik pienig zute mit mien boonzen
maek mi'j toch doof deur je geweld              en gienertied bruuk ik geweld

Zien
zie ik mien bosten zwöllen van de liefde        alleman die zal mi'j zien
et locht omvaemt mien hiele wezen               ik bin et locht in et duuster
onzichtber komt zi'j binnen                           en toch bin ik onzichtber
maek mi'j bliend deur je anwezigens             raozebliend zuj' mi'j vernemen

Vulen
vuul ik de waarmte van de liefde                  alleman die zal mi'j vulen
een tintelend gevuul van binnen in me           tot in je diepste dring ik deur
blief toch bi'j mi'j tot an mien aende             ik was ik bin en ik zal wezen
raek mi'j straf tot in mien ziel                       de liefde in de vri'jers val

Roeken
roek ik de lusten van et leven                      alleman die zal mi'j roeken
de waarme glaans van et bestaon                zuter as de zuutste hunning
et weten waoromme dit alles is                    rozeblossem rond je lippen
stinkend riek raekt zi'j mi'j an                      echte liefde stinkt niet

Pruven
pruuf ik de zutighied van liefde                    alleman zal van mi'j pruven
een onverdield smaekvol genot                   in alles en overal kom ik in veur
zonder kruden in te nemen                         een hiel klein betien of een protte
laot mi'j kotsen van jow smaek                  pruuf de kriebels in je boek

Et Zesde Zintuug
mit niks kwam ik en zo gao ik ok               vanof de jongste jaoren is de liefde
van een protte kan ik mit minder toe          zonder mi'j bestaot gien inkeld leven
seins he'k alderdeegst niks neudig              et ienigste dat ik geven kan is ikke
mar zonder liefde kan ik niet                      en vule meer bej' ok niet neudig



Liefde over zintugen

(wat vint de liefde van dit zintuug)
(kenmark van dit zintuug)
(gevolg van de liefde op dit zintuug)
(uutdrokking, raos, kreet, yell)

Heuren
Zien
Vulen
Roeken
Pruven
en et Zesde zintuug



Vri'j naor Kor 1:13

Al praotte ik alle taelen
Al kende ik alle geheimen
Al bezat ik alle kennis
Al ha'k een geleuf dat bargen verzetten kan

De liefde is geduldig, vol goedhied
De liefde kent gien falegrein, gien iedel vertoon
De liefde is niet grof en niet graoperig
De liefde rekent et kwaod niet an

Klaanktael zal votraeken
Kennis zal verleuren gaon
Geleuf, hoop en liefde, disse drieje,
De belangriekste daorvan is de liefde.


***

Zintuigen over Liefde, Liefde over zintuigen

Volgens (klassiek) Aristoteles:
Horen
Zien
Voelen
Ruiken
Proeven

en het Zesde zintuig

Zintuigen over de liefde

(wat doet het zintuig aktief)
(kenmerk van dat aktief zijn)
(gevolg van dat aktief zijn)
(uitdrukking, schreeuw, kreet)

Horen
hoor ik het zinderen van de liefde
een lichte tred verraat haar komst
haar naderen versnelt mijn hart
maak mij doof met je geweld

Zien
zie ik mijn boezem/borsten zwellen van de liefde
het licht omvat mijn hele zijn
onzichtbaar komt zij binnen
maak mij blind door je aanwezigheid

Voelen
voel ik de warmte van de liefde
een tintelend gevoel van binnen in me
blijf toch bij me tot m'n einde
raak mij straf tot in mijn ziel

Ruiken
ruik ik de aroma van het leven
de gulle glans van het bestaan
het weten waarom dit alles is
stinkend rijk raakt zij mij aan

Proeven
proef ik de zoetheid van de liefde
een onverdeeld smaakvol genot
zonder kruiden in te nemen
laat mij overgeven/kotsen van jou smaak

Het Zesde Zintuig
met niets kwam ik en zo ga ik ook
van veel kan ik met minder toe
soms heb ik zelfs niets nodig
maar zonder liefde kan ik niet



Liefde over zintuigen

Horen

Zien

Voelen

Ruiken

Proeven

Zesde zintuig




Vrij naar Kor 1:13

Al sprak ik alle talen
Al kende ik alle geheimen
Al bezat ik alle kennis
Al had ik een geloof dat bergen kan verzetten

De liefde is geduldig, vol goedheid
De liefde kent geen afgunst, geen ijdel vertoon
De liefde is niet grof en niet zelfzuchtig
De liefde rekent het kwaad niet aan

Klanktaal zal verstommen
Kennis zal verloren gaan
Er is geloof, hoop en liefde, deze drie,
maar de belangrijkste daarvan is de liefde.


© Piet Bult