Geest van de roze

Weeromme naor Gedichten
Weeromme naor Stellingwarfs
Home


Geest van de roze


Kiek es mit je slaoperige ogen
naor d' onschuldige droom die 'k maekte
ik bin de geest van de roze
die je gister bi'j et daansen raekte

ie plokten mi'j mit parelties
van natte zulveren traonen
en op et feest deur steerns verlocht
leup ie de hiele aovend mit mi'j rond

och ieje, deur jow bin ik now dood
mar zonder daj' mi'j votjaegen kunnen
komt iedere naacht mien rozegeest
je op je beddekussen plaogen

wees mar niet bange, ik vraog je niks
gien preek en ok gien psalms
mien ziel dat is mien lekker roek
vaalt zomar uut et parredies

mien lot dat zo ofgeunstig maekt
want veur zoe'n daelders aende
zol toch alleman et leven geven
et graf van mi'j is op jow bosten

en op et albast wao'k op ruste
het een dichter mit een tuut
schreven: hier rust een roze
die alle keunings gek maekt


© Piet/er Bult
Vertaeling van 'Le Spectre de la rose'
Hector Berlioz (1803 - 1872)

Hector Berlioz (1813-1869) schreef in 1841 een liederencyclus op gedichten van zijn leeftijdgenoot Théophile Gautier (1811-1872), onder de titel Les nuits d'été (zoemernaachten).