Huus op 'e Miente

Weeromme naor Stellingwarfs
Home


Luusterboek Huus op 'e Miente

Van half oktober 2010 tot half jannewaori 2011 is et veurlezen van dit boek uutzunnen op Radio Weststellingwerf Centraal (RWC) in Noordwoolde.

Dit pergramme Huus op 'e Miente was naor een idee van Henk de Vries van Noordwoolde.
Piet Bult van Ni'jberkoop leesde in een ure tied een peer heufdstokken veur uut et boek van Fokke Middendorp (Fokke van Lute): Huus op 'e Miente.
De techniek bij RWC was in de vertrouwde hanen van Paul Molenaar.

In dit boek Huus op 'e Miente wodt et hiele levensverhael van Batteld Ni'jhoolt (Batteld van Nel) beschreven.
Disse Batteld Ni'jhoolt wodde in 1885 op 'e Miente onder Noordwoolde geboren en raekte in 1977 in bejaordehuus 'De Menning' in Wilhelminaoord uut de tied.

De verhaelen in dit boek hadden mooi ansluten kund bi'j een projekt van de Stichting Stellingwerfs Eigen in saemenwarking mit de warkgroep Oolde Paeden Ni'je Wegen van Laandschopsbeheer zuudoost-Frieslaand mit as doel om et oolde Battenpad tussen Noordwoolde en Berkoop weer eupensteld te kriegen veur et pebliek. Jammer, mar dat gong (veurlopig) niet deur.

De verhaelen van Batteld Ni'jhoolt in et boek Huus op 'e Miente speulen him allemaole of op de Miente en in dit Battengebied onder Noordwolde.

Tussendeur dri'jden we zo now en dan een stokkien meziek om luusterders gelegenhied te geven een koppien koffie in te schinken of even naor et husien te kunnen, zonder dat ze d'r wat van hoefden te missen.

Noordwoolde
half jannewaori 2011
Henk de Vries
© Piet Bult

*

PS: Vanwegens ruumtegebrek op de webstee is d'r now eerst mar een pat van de inleidinge beschikber...

- Inleiding en Heufdstok 1 en 2
- Heufdstok 3 en 4
- Heufdstok 5, 6 en 7
- Heufdstok 8 en 9
- Heufdstok 10 en 11
- Heufdstok 12 en 13
- Heufdstok 14 en 15
- Heufdstok 16 en 17
- Heufdstok 18 en 19
- Heufdstok 20 en 21
- Heufdstok 22 en 23
- Heufdstok 24 en 25
- Heufdstok 26 en 27
- Heufdstok 28 en 29
- Heufdstok 30 en 31
- Heufdstok 32 en Slot

*

PERSBERICHT (8-10-2010)
 
Huus op ‘e Miente

Op 29 augustus 1885 werd Batteld Nijholt op de Miente bij Noordwolde geboren. Nijholt overleed in 1977 op de leeftijd van 92 jaar. Het leven van deze boerenarbeider en later keuterboer staat model voor menig geboren Stellingwerfse man in het begin van de vorige eeuw. Op aandringen van zijn dochter Aukje heeft Batteld Nijholt zijn hele levensverhaal op papier gezet.
 
Fokke Middendorp (Fokke van Lute) heeft begin jaren zeventig 27 van deze verhalen bewerkt en in het weekblad 'De Stellingwerf' gepubliceerd. Later heeft deze rasverteller de verhalen in het Stellingwerfs herschreven en tot een boek bewerkt dat in 1992 is uitgegeven door Stichting Stellingwerver Schrieversronte in Oldeberkoop.

Henk de Vries (1941) uit Noordwolde is ook midden tussen de armoede van de Miente geboren en beijvert zich sinds 2001 om het unieke natuurgebied 'De Batten' bij de Miente weer opengesteld te krijgen voor publiek. Dit kreeg in 2002 uiteindelijk z'n beslag ware het niet dat er na alle toezeggingen toch nog een kink in de kabel kwam en het project abrupt werd afgeblazen.

Samen met Piet Bult van de Stichting Stellingwerfs Eigen bracht De Vries het 'Battenpad' opnieuw in beeld zodat het project nu alsnog, onder de bezielende leiding van de werkgroep 'Oude Paden, Nieuwe Wegen' (OPNW) - een project van Landschapsbeheer Fryslân - wellicht gerealiseerd zal kunnen worden.
 
Voor een mogelijke openstelling zijn oude verhalen rond het Battenpad van wezenlijk belang. Er is bekend dat het Battenpad al in de 17de eeuw deel uit maakte van een handelsroute tussen Coevorden en de elite in Oranjewoud bij Heerenveen. Van de laatste wereldoorlog zijn de schuttersputten en schuilgaten in de bossages nog duidelijk terug te vinden. Kortgeleden in 2008 is de historisch belangrijke Battenbrug door zware voertuigen van defensie nog vernield maar nadien ook weer degelijk hersteld.
 
Henk de Vries en Piet Bult zagen in hun streven naar openstelling van het Battenpad en de verhalen van Batteld Nijholt rond dit gebied een mooie combinatie om voor Radio Weststellingwerf Centraal (RWC) een themaprogramma te maken. Het boek Huus op 'e Miente zal daartoe in z'n geheel worden voorgelezen in elf wekelijkse uitzendingen van telkens een uur. Aan de hand van de verhalen in de Stellingwerfse streektaal uit het boek zullen speciale aandachtspunten nader worden belicht. Voor oudere luisteraars zullen de uitzendingen veel herkenbare beelden oproepen. Voor jongelui is het een 'must' om een klein stukje van de historie van deze beroemde streek in de Stellingwerven te kennen.
 
De uitzending van Huus op 'e Miente is telkens op donderdag van 18:00 tot 19:00 uur en start op 14 oktober 2010 met een inleiding over het project. De techniek rond de uitzendingen is in handen van Paul Molenaar. Radio Odrie zal voor haar luistergebied de uitzendingen van RWC overnemen en op een later tijdstip uitzenden.

/ Einde persbericht
 
*

PASSETIEDINGE (8-10-2010)

Huus op 'e Miente
 
Op 29 augustus 1885 wodde Batteld Nijhoolt op de Miente bi'j Noordwoolde geboren. Nijhoolt raekte uut de tied in 1977 op de leeftied van 92 jaor. Et leven van disse boere-arbeider en naotied keuterboer staot medel veur mennig geboren Stellingwarfse man in et begin van de veurige ieuw. Op andringen van zien dochter Aukje het Batteld Nijhoolt zien hiele levensverhael op pepier zet.

Fokke Middendorp (Fokke van Lute) het begin jaoren zeuventig 27 van disse verhaelen bewarkt en in et weekblad 'De Stellingwerf' publiseerd. Laeter het disse rasvertelder de verhaelen in et Stellingwarfs herschreven en tot een boek bewarkt dat in 1992 deur Stichting Stellingwarver Schrieversronte in Berkoop uutgeven is.

Henk de Vries (1941) uut Noordwoolde is ok midden tussen de aarmoede van de Miente geboren en maekt him sund 2001 slim drok om et unieke netuurgebied 'De Batten' bi'j de Miente weer eupensteld te kriegen veur pebliek. Dit kreeg in 2002 bi'j slot van zaeke z'n beslag, was et niet dat d'r nao alle toezeggings toch nog een malle kink in de kabel kwam en et projekt as bi'j donderslag ofblaozen wodde.

Tegere mit Piet Bult van de Stichting Stellingwerfs Eigen brocht De Vries et 'Battenpad' opni'j in beeld zodat et projekt now asnog wel es, onder de bezielende leiding van de warkgroep 'Oolde Paeden, Ni'je Wegen' (OPNW) - een projekt van Laandschopsbeheer Frieslaand - realiseerd wodden kunnen zol.
 
Veur een meugelike eupenstelling bin oolde verhaelen rond et Battenpad van wezelik belang. D'r is bekend dat et Battenpad al in de 17de ieuw pat uut maekte van een haandelsweg tussen Coevorden en de elite in Oranjewoold onder Et Vene. Van de laeste wereldoorlog bin de schuttersputten en schoelgatten in de bossies nog dudelik weeromme te vienen. Kotleden in 2008 is de historisch belangrieke Battenbrogge deur zwaore voertugen van defeensie nog slim vernield mar naotied ok weer degelik rippereerd.

Henk de Vries en Piet Bult zaggen in heur streven naor eupenstelling van et Battenpad en de verhaelen van Batteld Nijhoolt rond dit gebied een mooie kombinaosie om veur Radio Weststellingwarf Centraol (RWC) een themapergramme te maeken. Et boek Huus op 'e Miente zal daortoe in zien gehiel veurlezen wodden in elf wekelikse uutzendings van iederkeer een ure. An de haand van de verhaelen in de Stellingwarfse streektael uut et boek zullen speciaole andachtspunten naoder belocht wodden. Veur ooldere luusterers zullen de uutzendings een protte herkenbere belen oproepen. Veur jongvolk is et een 'must' om een klein stokkien van de historie van disse beroemde streek in de Stellingwarven te kennen.
 
De uutzending van Huus op 'e Miente is iederkeer op donderdag van 18:00 tot 19:00 ure en zet op 14 oktober 2010 uut aende mit een inleiding over et projekt. De techniek rond de uutzendings is in de vertrouwde hanen van Paul Molenaar. Radio Odrie zal veur zien luustergebied de uutzendings van RWC overnemen en op een laeter tiedstip uutzenden.

/ Aende passetiedinge

*

1) Kleinezeune Batteld Nijholt komt maendagmiddag.
     Hi'j kan dan tussen de heufdstokken in wel even mit oons over zien grootvader praoten.

2) Woensdag komt een kleinzeune van Theunis Menger, die ok dezelfde naeme het as zien grootvader.

3) Hi'j zol perberen om een omke van him, een zeune van Theunis Menger ok mit te nemen.
     Die is al in de tachtig.

4) Trijntje Hankel de aachterkleindochter van Wube Hankel - die de lochtballon vroeger mit de huuivorke aachternao zat op de Mienthe - he'k ok vraogd.
     Heur zeune is inmiddels ir. wodden.
     Ze wonen niet meer in hutten en et gaot heur now aorig goed.
     Trijntje het nog niet definitief toezegd.
     Heur man is Lammert van Nieuwenhoven (stoelebaos) waor jim Anne vrachten boeken van kocht het.

5) En de tegenwoordige bewoonders van et huus op 'e Mienthe de fam. Uiterwijk die kommen ok even.


*

Ja, beste meensken. En zo is d'r een aende kommen an dit pergramme 'Huus op 'e Miente', naor een idee van Henk de Vries van Noordwoolde. Paul Molenaar het de bi'jpassende meziek uutzocht en zat mit de hanen an de knoppen van de radio-techniek. Mien naeme is Piet Bult, en wat nog overblift naost een mooi heugenschop an dit boek, is een hiele riegel bedaankies.

- We daanken de oolde Batteld Ni'jhoolt dat hi'j een groot pat van zien leven, eerst veural mit zien vader en zien beppe en laeter mit zien Nel en de kiender, zo briedvoerig mar ok zo levensecht opschreven het. Dat zollen vule meer meensken doen moeten!

- We daanken zien dochter Aukje dat zi'j heur vader d'r toe anzet het om dat hiele verhael op te schrieven. We bin onderdehaand deur dit boek ok geweer wodden dat zi'j en heur beide breurs Jehannes en Willem, goed terechte kommen binnen.

- Wi'j daanken Fokke Middendorp (Fokke van Lute) veur et uutwarken van disse verhaelen van Batteld Ni'jhoolt. Eerst as losse verhaelen veur in de Stellingwerf en naotied ommewarkt tot een boek dat d'r wezen mag.

- Jammer dat al disse meensken al weer mennig jaor leden uut de tied raekt binnen.

- Wi'j daanken de Stichting Stellingwarver Schrieversronte dat zi'j et as uutgever inzien hebben dat dit een goed boek wodden kon. Want dat is et wodden, een riek bezit.

- Wi'j daanken veural ok oonze gaasten: kleinzeune Batteld Ni'jhoolt van Appelsche die hier veurige weke bi'j oons was, zeune Pier Menger en kleinzeune Theunis Menger die heur vader en grootvader Theunis Menger een goeie kammeraod was van oonze heufdpersoon - Batteld Ni'jhoolt - uut et boek, en we daanken de bewoonders van et 'Huus op 'e Miente' van vandaege-de-dag an de Liemweg in Noordwoolde, de femilie Uiterwijk.

- Wi'j daanken ok Luuk Middendorp, de zeune van Fokke Middendorp, veur de toestemming van de schrieversrechten, dawwe dit boek 'Huus op 'e Miente' bruken mochten om d'r veur de radio een pergramme van te maeken. Niet zomar gewoon een boek mar veural ok een boek waor oonze luusterers een protte in herkend hebben zullen, en ok goed veur de jeugd van vandaege-de-dag om es in heur omme gaon te laoten, en d'r lichtkaans wat van op te stikken.

- Bi'j slot van zaeke daanken we de projektgroep 'Oolde Paeden, Ni'je Wegen' van Laandschopsbeheer zuudoost-Frieslaand dat zi'j heur best daon hebben om oons te helpen et oolde Battenpad weer eupensteld te kriegen veur pebliek. Et moch ditkeer dan niet zo wezen mar we zien nog genoeg lochtpunties en geven dan ok nog lange niet op.

- As laeste daanken we de meensken van de Stichting Stellingwerfs Eigen - die van de vertaeling van de 'Biebel in et Stellingwarfs' -, dat die d'r zovule tied in steuken hebben om liekewel perbeerd hebben dat Battenpad weer eupensteld te kriegen as in de veurbereidings en et veurlezen van dit boek 'Huus op 'e Miente'.

- En as alderlaeste daanken we de luusterers, wao'we et uuteindelik toch allemaole ok veur daon hebben. En wie wet, lichtkaans maeken we d'r ok nog wel es een luusterboek van, op DVD (Dat is 'm nog niet wodden.).

Henk, hewwe nog ien of aander vergeten, of wi'j' aanders nog wat kwiet..?

( … )

Onderdehaand bedaenken wi'j weer wat aanders en kowwe mekeer vast nog wel es weer tegen.
Graeg tot dan, graeg tot kiek es of heurens...