Vrouw... het jaordag van de dochter

Wark van Grietje
Stellingwarfs
Home


Vrouw... het de jaordag van de dochter

Morgens wodt ze ophaeld deur heur dochter, die daegs van te veuren al zegd het, wat ze antrekken moet. Toch het ze aandere kleren andaon. Et liekt d’r wel op, dus toe mar.
Ze vient et gezellig, mit al die meensken. Maekt mit iederiene een praotien.
As et an de borrel toe is in de naomiddag, krigt ze een klein glassien mit gruun spul d’rin. "Now moet mem dat mit kleine slokkies opdrinken heur, et is gien limenade. Mem moet nippen, aanders komt et niet goed, mar mem vient et vast wel lekker."
As ze aovends weer wat te eten krigt, zegt ze: "Moe’k alweer eten? Dat he’k vandemiddag ok al daon!"
As ze naor huus brocht wodden zal, tegere mit een aandere vrouw, vraogt ze bi’j de kapstok: "He’j een ni’je jasse? Mooi, mar wat veur kleur is et aenlik?"
"Ja, wat veur kleur is et? Neffens mi’j is et gien kleur."
"Now, dat is dan makkelik, dan past hi’j overal bi’j."


© Grietje Bosma - Dijkstra