Haast

Wark van Roely
Stellingwarfs
Home


Haast

Wiend goelt om huus, gieselt de bomen,
drieft de wolkens, regen striemt et grös.

’t Stormt in mien heufd, gedaachten jaegen
goezend in de ronte, gemis trekt traonen.

‘k Gao naor buten, lopen in de wiend,
regendruppen wasken alles schone. 

De zunne brekt deur, tovert perels op ‘t blad,
tekent goolden raanties om de wolkens.

In een plasse spattert een voegel
kristallen waeterdruppen omhogens.

De wiend geft him daele, nog ien keer wint
de zoemer van de haast.

Zunnestraolen dreugen traonen, mien heufd
wodt helder. Even kan ‘k d’r weer tegen.


© Roely Bakker