Twie pond 'n stuver

Weeromme naor Gedichten
Weeromme naor Stellingwarfs
Home



Achte kemmissie / Beste Martha,

An jim/jow verzuuk voldoe'k mar al te graege
'k hadde toch niks eers omhanen vandaege.

An 't andreugen onderwarp he'k drekt voldaon
veurstelde poletiek, daor bin'k niet zo mit begaon
en over norms en weerden wodt al zovule praoten daon.

Achte kemmissie, Beste Martha,
Ien ding nog moet mi'j nog van 't hatte:
et middelblad, dat is mi'j eins te min
de veurste ziede ha'k in 't zin.



Twie pond 'n stuver

Twie pond 'n stuver
dat klinkt misschien wat nuver
mar vule meer bin ik niet weerd
aj' mi'j uut hebben kan ik in de heerd.

Ik bin eins om in te lezen
dat is mien doel in wezen
ik komme jow wat graeg vertellen
welke boeken jow kunnen bestellen.

Wi'j kommen mit een kroje
kelinders, boeken, hiele mooie
't stellingwarfs zo as wi'j praoten
daor kuj' oons niet mit zitten laoten.

Jow weten now waorom ik komme
zi'j hoeven mi'j dus niet weeromme
't gong mi'j allienig om jow andacht hier
mien wark zit er op, ik bin now old pepier.


© Piet Bult, 08-03-2003